Jo pak po rret 13 milionë euro do të jetë dëmshpërblimi që do të paguajë qeveria shqiptare në dëm të familjarëve të pallatit të famshëm në Vlorë ku aksioner ishte dhe vjehrri i kreut të PD-së Lulzim Basha.
Pra e thënë ndryshe një tekë kryeministrore do të paguhet me një shifër të tillë stratosferike.
Rama gjatë ditës së djeshme nuk shfaqi asnjë shenjë pendese në lidhje me vendimin e tij për ta prishur, madje tha se po të kthehej pas njëmijë herë do ta prishte këtë pallat.
“Do ta bëja 1 mijë herë po të kthehesha. Kemi bëre shpronësim të ligjshëm dhe ankuesit nuk kanë kontestuar shpronësimin por shifrën. Kanë qenë të pakënaqur me shifrën e përcaktuar nga qeveria për këtë kanë shkuar në gjyq.” u shpreh dje kryeministri Rama.
Ndërkohë edhe Basha e ka komentuar vendimin e marrë nga ana e Gjykatës, teksa tha se nëse Rama nuk do të largohet fatura të tilla do të rriten për shqiptarët.
“Ka një mënyrë, por Edi Rama qëndron mbi kurrizin e këtij populli. Dhe për sa kohë Rama qëndron mbi kurrizin e popullit, faturat e Ramës do ti paguajë Rama.
Që të mos paguhet kjo faturë populli duhet ta shkulë nga shpina Edi Ramën. Prandaj populli duhet të bashkohet në 27 janar për të shkulur nga shpina Edi Ramën. Nëse nuk largohet Rama kjo faturë do të vijë duke u ngarkuar,” tha Basha.
Nga ana tjetër fakt mbetet se shumë shpejt nga Buxheti i Shtetit qeveria do të nxjerrë 13 milionë eurot e dëmshpërblimit që fare mirë mund të përdoreshin për ilaçe për të sëmurët me kancer, për rrugë, për shkolla, apo për shtresat në nevojë.
(E.K/FAXWEB)
Discussion about this post