Gjatë orëve të vona të mbrëmjes së djeshme Policia zhvilloi një operacion antidrogë në zonën e “Don Boskos” ku mbeti i plagosur edhe një i ri, i identifikuar si Bledar Peci.
Pasi “solli vërdallë” efektivët e policisë duke bërë manovra me makinën e tij tip “Citroen” në rrugët e kryeqytetit, i riu u neutralizua. Atij iu sekuestrua një sasi lënde narkotike e dyshuar si kokainë në makinën e tij, në pjesën e këmbëve të pasagjerit.
Pasi policia shtiu në ajër në mënyrë që të ndalonte automjetin, ai nuk është bindur dhe për pasojë policia ka qëlluar në gomat e automjetit dhe ai ka mbetur i plagosur. 27-vjeçari gjendet aktualisht në spitalin e Traumës në Tiranë jashtë rrezikut për jetën.
Një banor i zonës ka dëshmuar me detaje për JOQ.al të gjithë skenën që pa nga ballkoni i tij.
“Përshëndetje, jam një banor qe isha ne ballkon momentin që arrestuan atë djalin tek “Don Bosko”. Djali u fut me shpejtësi tek karburanti, se e ndiqte një makinë policie dhe një fugon i shqiponjave, ai u rrotullua mbrapa magazinave te plehrave dhe kur doli policia e kishte rrethuar, në atë moment ai i dha gaz makinës, përplasi një makinë policie, dhe iku mbrapsht.
Policët që ishin në fugonin e shqiponjave zbritën dhe shtinë rreth 13 herë me armë drejt tij, ai ndaloi, kur këta hapën derën njëri prej tyre e goditi njëri prej policëve. Aty e pashë që e nxorën pa ndjenja nga makina, por në makinë si gjetën asgjë, këtë di. Kishte makinë që kushtonte 200 mijë lek, atij djalit i ranë me grushta në momentin që përplasi makinën e tij me të policisë, e nxorën te vdekur nga makina, se i ranë me dorëz. Kjo ishte e gjitha, se isha ‘live’ sipër tyre”,deklaron dëshmitari për JOQ.al.
(E.K/SHUPLAKA)
