1300 kontenierë me mbetje kimike që mendohet të kenë hyrë në vendin tonë gjatë vitit të shkuar janë ktheyr në një nga temat më shqetësuese të këtyre ditëve të fundit. Kanë qenë mediat italiane ato që e kanë publikuar fillimisht këtë skandal nëse do të rezultojë të jetë i vërtetë dhe më pas lajmi ka marrë ‘’dhenë’’. Mbetjet që niseshin nga Italia me destinacion final Maqedoninë mendohet të jenë groposur në vendin tonë.
Nga ana tjetër të gjitha autoritetet përgjegjëse të vendit tonë e kanë mohuar kategorikisht këtë lajm duke e quajtur të pavërtetë.
Po nëse hulumtojmë pak në fletoren zyrtare të vendimeve të Këshillit të Ministrave, gjatë muajit shtator ka disa ndryshime në ligjin për mbetjet.
Në një vendim qeverie të datës 7 shtator 2016 ka një vendim të firmosur nga kryeministri Edi Rama për trajtimin e mbetjeve radioactive në vendin tonë. Ky vendim i qeverisë është publikuar në fletoren zyrtare një javë më vonë në datën 14 shtator. Ky vendim është marrë me propozimin e Ministrit të Shëndetësisë Ilir Beqja.
Madje në një nga nenet e kësaj VKM-je është e përcaktuar qartë edhe ena me të cilën transportohen këto mbetje.
Sqarimi i VKM-së: “Kontejner”, ena në të cilën është vendosur mbetja radioaktive gjatë përpunimit, transportit, ruajtjes së përkohshme ose vendosjes në depo përfundimtare; ena është, gjithashtu, element i paketimit të mbetjes radioaktive, që përfaqëson barrierën e jashtme mbrojtëse të mbetjes radioaktive nga ndërhyrjet e jashtme. (E.K/SHUPLAKA)
Më poshtë gjeni të plotë vendimin e qeverisë publikuar në fletoren zyrtare:
http://www.qbz.gov.al/botime/fletore_zyrtare/2016/PDF-2016/170-2016.pdf
[ngg_images source=”galleries” container_ids=”1303″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
