Një ditë pas operacionit ku u kapën 137 kilogramë kokainë në portin e Durrësit, burime bëjnë me dije se prokuroria ka nisur hetimet dhe për zyrtarët e Portit.
Mësohet se janë sekuestruar të gjitha pamjet e kamerave të sigurisë në mënuyrë që të verfikohet çdo hyrje dhe dalje e dyshimtë në port.
Prokuroria ka dyshime se zyrtarë në portin e Durrësit kanë bërë të mundur futjen e personave të paautorizuar në ambientet e brendshme, edhe në zonën ku mbaheshin kontenierët ku u zbulua kokainë.
Gjatë operacionit ku u sekuestrua sasia e konsiderueshme e kokainës, ranë në prangat e policisë dy persona Ardian Bega, nga Skrapari,me detyrë punonjës sigurie në portin e Durrësit dhe Altin Myslihaka, mbledhës kanaçe dhe skrapi në port.
Po ashtu u shpall në kërkim dhe biznesmeni Gentian Malindi, që sipas policisë ishte pritësi i kokainës, po nuk u arrit që të vihej në pranga.
Ndërkohë ajo që mbetet në pikëpyetje është se kush fshihej pas Malindit, dhe pse Policia nuk ka shtrirë hetimet në persona të tjerë që mund të jenë të përfshirë në këtë ngjarje.
(E.K/Faxweb.al)
Discussion about this post