Keqtrajtimi i qenve dhe shfrytëzimi i tyre për ndeshje është një nga problemet që prej kohësh është ngritur në Shqipëri. Për shkak të trajnimit që ju bëjnë pronarët, qentë që përdoren për ndeshje janë kthyer në rrezik për njerëzit dhe së fundmi në Rrëshen ka ndodhur një ngjarje tronditëse.
“JOQ” ka publikuar rastin e një 14-vjeçari, i cili për shkak të sulmit nga dy qen është rrëzuar nga ura për t’ju shpëtuar qenve dhe për pasojë ka thyer kafkën.
Vëllai i 14-vjeçarit tregon se qytetari me iniciale, A.M është kthyer në rrezik për banorët, pasi qentë i lë në rrugën ku kalojnë nxënësit.
“Shiko çfarë bën ky i sëmurë nga Rrësheni. Për shkak të këtyre qenve që ai mban që i përdor për ndeshje. Vëllai im 14 vjeç u aksidentua rëndë duke thyer kafkën pasi ra nga një urë duke ju ikur sepse e zunë në urën ku s’kishte nga t’ja mbante dhe policia nuk bëri asgjë dhe qentë i mban në rrugën ku kalojnë fëmijët e shkollës në Rrëshen dhe akoma janë aty. Te lutem shpërndaje. Ky quhet A.M dhe nuk po e ndal njeri, po torturon kafshë dhe po rrezikon jetë njeriu”, shkruan qytetari nga Rrësheni.
Discussion about this post