Një adoleshent në SHBA zbuloi një të metë të sigurisë në sistemin video-thirrës FaceTime të Apple dhe do të dëmshpërblehet për këtë gjë.
Mësohet se kompania Apple do t’i japë një shumë të caktuar 14-vjeçarit Grant Thompson. Ende nuk bëhet e ditur se sa do të jetë kjo shumë, por mendohet se këto para do të investohen për arsimin e tij.
I riu zbuloi një virus në këtë aplikacion, i cili lejonte përdoruesit të dëgjonin personin tjetër para se ai të hapte telefonatën.
Përveç kësaj, videot në këtë aplikacion hapeshin dhe nuk klikohej asnjë buton.
