Në Kurbin janë sekuestruar nga policia 15 kilogramë lëndë narkotike marijuanë dhe janë arrestuar dy shtetas. Sipas policisë në vendin e quajtur Ferr Shkopet, në Milot, janë kapur në flagrancë 2 personat pasi në bagazhin e mjetit të tyre tip Benz u gjet lënda narkotike.
DETAJE:
Më datë 03.09.2017, në vijim të punës për goditjen e veprimtarisë kriminale të prodhimit dhe shitjes së lëndëve narkotike, nga Specialistët e Seksionit kundër Narkotikëve në Drejtorinë Vendore të Policisë Lezhë, falë një pune të mirëfilltë hetimore dhe të mirëorganizuar, kanë finalizuar operacionin e koduar ” Miloti ” ku u bë i mundur arrestimi në flagrancë i shtetasve :
– A.Ll, 29 vjeç, banues në fshatin Gallatë – Kurbin
– Sh. Ll, 38 vjeç, banues në fshatin Gallatë – Kurbin
Këta shtetas, në vendin e quajtur Ferr Shkopet, në Milot, janë kapur në flagrancë, ku në bagazhin e mjetit të tyre tip Benz , iu gjetën dhe sekuestruan 15 kg lëndë narkotike e dyshuar Marijuanë.
Gjithashtu , në cilësinë e proves materiale u sekuestrua edhe mjeti i tyre.
Materialet proçeduriale i kaluan Prokurorisë së Rrethit Gjyqësor Kurbin , për veprën penale “Prodhim dhe shitje e lëndëve narkotike ” parashikuar nga neni 283/2 i Kodit Penal. (J.V/Shuplaka)
