Paraditen e kësaj të hëne në urgjencën e pediatrisë në Qendrën Spitalore Universitare “Nënë Tereza” qindra fëmijë kanë marrë ndihmë mjekësore si pasojë e prekjes nga viroza dhe gripi stinor. Ky fluks ka ndodhur nga mbyllja e poliklinikave me rastin e Vitit të Ri e cila ka shkaktuar në urgjencën pediatrike që numri i vizitave në 24 orë të kalojë mbi 400 fëmijë.
Mjekët pediatër thonë se ndryshe nga viti i shkuar ky grip lë koplikacione për të vegjlit, shkruan Klan Tv. Në të gjithë vendin numri i të prekurve nga virozat e stinës dhe gripit, ka shkuar në afro 15 mijë në javë. Po kështu të prekur në masë nga gripi dhe virozat janë edhe moshat e rritura. Sipas ekspertëve të shëndetit publik janari dhe shkurti njihen si dy muajt me numrin më të lartë të të sëmurëve nga virozat dhe gripi për shkak të temteraturave të ulta. (J.V/Shuplaka)
