Policia ka ndaluar pedagogen e Universitetit “Ismail Qemali” në Vlorë, e cila ishte shpallur në kërkim pas denoncimit në emisionin investigativ ”Stop”, ku u filmua teksa u merrte para studentëve në këmbim të notës kaluese në provime.
Burime zyrtare nga policia njoftojne se është arrestuar Dorina Ndou (Mino), 30 vjeçe, banuese në lagjen “Lirimi”.
Prokuroria e rrethit gjyqësore Vlorë ka urdhëruar ndalimin e saj me akuzën e veprës penale “Korrupsioni pasiv i personave që ushtrojnë funksione publike”.
