Pas akuzave të shumta dhe protestës në Shkozë kryeministri Edi Rama sot ka reaguar në lidhje me këtë çështje.
Për prishjen e 153 banesave në Shkozë, si pasojë e zbatimin e projektit për zgjerimin e Lanës, Rama është përgjigjur “se këto janë të gjitha ndërtime pa leje në një rruge kryesore të Tiranës dhe duhet të prishen, ndërkohë që banorëve Bashkia e Tiranës duhet t’u ofrojë bonus qeraje si të pastrehë.”
“Për Shkozën është shumë e qartë Roni, s’ka asgjë për të kthyer përgjigje: Janë ndërtime pa leje në mes të një rruge kryesore të Tiranës dhe duhet të prishen, ndërkohë që banorëve Bashkia e Tiranës duhet t’u ofrojë bonus qeraje si të pastrehë! Familjet këtë e dinë prej kohësh dhe s’ka asnjë shans as për ta dhe as për askënd tjetër që të legalizohen në mes të rrugëve e pastaj të shpronësohen me paratë e kopshteve, çerdheve, spitaleve, për të hapur rrugën që është e të gjithëve!”, komenton Rama në Facebook ndaj ndjekësve të tij. (J.V/Shuplaka)
Discussion about this post