Rreth 160 mijë persona kanë protestuar së fundmi në rrugët e Spanjës në mbështetje të refugjatëve, Gjatë ditës së djeshme në rrugët e Barcelonës, ata i kanë kërkuar qeverisë lejimin në Spanjë të një numri më të madh refugjatësh nga vendet e përfshira në konflikte të armatosura.
Me pankarta në duar dhe të revoltuar, ata janë shprehur se qeveria nuk e ka mbajtur premtimin e bërë në 2015-ën, për të lejuar hyrjen e 170 mijë refugjatëve në Spanjë.
Sipas tyre, gjatë dy viteve të fundit, vetëm 1,100 refugjatë nga vendet e luftës, siç është Siria, kanë mundur të hyjnë në Spanjë. Kësaj proteste i është bashkuar edhe kryebashkiakja e Barcelonës, Ada Colau, e cila ka lobuar pranë qeverisë për pranimin e më shumë refugjatëve. (XH.A/SHUPLAKA)
Discussion about this post