Në 17 vjetorin e Pavarësisë së Kosovës Azgan Haklaj është shprehur se Kosova ka luajtur një rol të rëndësishëm në historinë kombëtare deri në shpalljen e pavarësisë në Vlorë.
Haklaj në studion e FaxNews me gazetarin Albi Rakip është shprehur se 17 shkurti ishte fundi i luftës qindravjeçare e shqiptareve
“Historia shpalos datat 17 Shkurt është një datë historike sepse është një realizum i ëndërrës së popullit të dardanisë për çlirim kombëtar dhe shpalljen e pavarësisë. 12 qershori i 1999 është ngjarja më e rëndësishme pas shpalljen se pavarësisë në 1912 dhe çlirimit të Shqipërisë në 1944, dhe sigurisht më pas 17 shkurti ka vulosur këtë kontribut të madh qindravjeçar në betejat legjendare të shqiptarëve të Kosovës për liri dhe pavarësi. Kosova është djepi i kuvendeve të mëdha dhe ka kontribut të madh deri në vitin 1912 kur u shpall pavarësia në Vlorë”, ka thënë ai.
Ai ka theksuar se është paradoksale sesi personat që qëndruan në krye të luftës janë në Hagë.
“Sot në17 shkurt ato qe udhëhoqen luftën me NATO-n dhe ndërkombëtarët janë në Hagë. Nuk ka gjë më paradoksale sesa sot të jenë në hagë Hashim Thaçi, Rexhep Selimi, Kadri Veseli, Jakup Krasniqi dhe të jetë i lirë Rajdojçiç dhe ushtarët e tij. Sot në Kosovë edhe pas zgjedhjeve nuk ka qeveri të re. Kemi një Kosovë të izoluar, kemi një Kosovë pa investime kemi një Kosovë me miq të kthyer në kundërshtarë për shkak të qëndrimit të qeverisë së Kosovës dhe politikës së ndjekur. Kemi disa deklarata të Kurtit, disa qendrime të tjera në Maqedoninë e Veriut që ka sjellë probleme për përdorimin e gjuhës shqipe. Ky është një kontribut i Kurtit që ka përçarë shqiptarët.Tashme po përpiqet që të mbajë peng qeverinë e re. Prioritet i Rusisë është Kosova në Ballkan dhe Moldavia,” është shprehur ai.
Discussion about this post