Instituti i Shëndetit Publik ka urdhëruar vaksinimin e të gjithë punonjësve që ende nuk janë vaksinuar. Sipas ISHP-së, epidemia gripale është në kulmin e saj, por situata pritet që të përkeqësohet.
Deri tani numërohen 19.000 të prekur nga gripi, ku 8 ndër ta paraqiten në gjendje më të rëndë shëndetësore.
Një ditë më parë, Ministria e Shëndetësisë deklaroi se numri i personave që kanë humbur jetën si pasojë e epidemisë gripale në vend janë dy. “Aktualisht, janë vetëm dy raste të konfirmuara për persona që kanë ndërruar jetë, të cilët, përveç sëmundjeve të tjera, kanë rezultuar të prekur edhe nga virusi i gripit të stinës”,- shprehej ministria.
Ata u identifikuan si “M. K., mashkull, 70 vjeç, banues në Tiranë, shtruar më datë 31 Dhjetor 2016, në Spitalin Universitar “Shefqet Ndroqi,” me SPOK (Sëmundje Pulmonare Obstruktive Kronike) të riakutizuar, insufiçencë respiratore dhe status gripalis, ndërruar jetë më datë 2 Janar 2017 dhe A. N., mashkull, 71 vjeç, banues në Tiranë, shtruar më datë 3 janar 2017, po në Spitalin Universitar “Shefqet Ndroqi”, me sëmundje kardiovaskulare dhe insuficiencë respiratore, ndërruar jetë po atë ditë.”
(XH.A/SHUPLAKA)
Discussion about this post