19-vjeçari gjendet i mbytur në liqen në Roskovec

Një 19-vjeçar ka humbur jetën në mënyrë tragjike në mesditë në liqenin e Kurjanit , në Roskovec. 19-vjeçari me iniciale S.SH ishte banues në fshatin Vidhisht, kishte shkuar për t’u larë rreth orës 14:00.

Ende nuk janë bërë të ditura shkaqet që e kanë çuar  në mbytje.
Policia bën të ditur se një grupi hetimor ndodhet në vendngjarje dhe po kryen veprimet për zbardhjen e shkakut të kësaj ngjarje.
Njoftimi i policisë:
Informacion paraprak
Në datën 14.05.2017, ora 14:00, ka shkuar për tu larë dhe është mbytur në liqenin e Kurjanit, Roskovec, shtetasi S.Sh,19 vjeç, banues në fshatin Vidhisht, Roskovec.
Grupi hetimor ndodhet në vendngjarje dhe po kryen veprimet për zbardhjen e shkakut të kësaj ngjarje.
(S.SH/SHUPLAKA)