Adrijana Krasniqi është një nga këngëtaret që mund të përfaqësojë Suedinë në Eurovizionin e 2017-ës.
19-vjeçarja është një nga 28 artistët, pjesë e festivalit nga i cili do të dalë edhe përfaqësuesi për në Eurovizion.
Ajo jeton në Rottne të Suedisë dhe është me origjinë nga Maqedonia.
Adrijana do të përfaqësohet me këngën “Amare”, të cilën e ka shkruar vetë dhe njëkohësisht planifikon që vitin tjetër të publikojë albumin e saj të parë, shkruan KultPlus.
Paraqitja e saj e parë do të bëhet me 4 shkurt ndërsa finalja e festivalit suedez do të mbahet me 11 mars të 2017-ës. Një fitore e saj në këtë festival i mundëson asaj përfaqësimin e Suedisë në Eurovizionin e vitit tjetër.
