Ditën e sotme, kreu i Partisë Demokratike Lulzim Basha do të zhvillojë homazhe në nder të Azem Hajdarit, i cili vdiq më 12 shtator të 1998-ës, pasi u vra pabesisht para selisë së Partisë Demokratike nga drejtues të Komisariatit të Policisë të Tropojës.
Homazhet në Memorialin e Dëshmorit të Atdheut Azem Hajdari, do të zhvillohen rreth orës 11.00 të ditës së sotme, pranë ish-selisë së PD-së.
Lidhur me homazhet, Basha mësohet se do të dalë edhe në një prnoncim për mediat.
Kujtojmë se Azem Hajdari ishte deputet i Partisë Demokratike të Shqipërisë që nga viti 1991 e deri sa u vra në shtator të vitit 1998.
Që pas ardhjes në pushtet të Partisë Socialiste të Shqipërisë në vitin 1997, Azem Hajdarit iu bënë disa atentate, derisa ai i 12 shtatorit të 1998-ës i dha goditjen përfundimtare. (D.D/Shuplaka)
