Një peticion i nisur online në Francë dhe i firmosur deri më tani nga rreth 190 mijë persona shprehet kundër zyrtarizimit të statusit të zonjës së parë për Brigitte Macron.
E gjitha kjo ka nisur dy javë më parë në “Change.org” nga piktori dhe autori Thierry Paul Valette, i cili kërkon që asnjë fond publik të mos mënjanohet për Zonjës së Parë të Francës.
Gjatë fushatës, Macron njoftoi synimin e tij për të krijuar një pozitë më të fuqishme për të shoqen, në mënyrë që të qartësonte statusin e saj. Mirëpo për nënshkruesit e peticionit është e papranueshme që gruaja e presidentit të fitojë nga buxhetet e shtetit.
“Brigitte Macron aktualisht ka një ekip prej dy apo tre ndihmësish, si dhe dy sekretarë dhe dy agjentë sigurie. Kjo është e mjaftueshme,” thuhet në peticion.
Kundërshtarët e parlamentit të Macron kanë protestuar më parë kundër planit të tij për ti dhënë më shumë fuqi të shoqes.
Parlamenti është gjithashtu gati të miratojë një ligj të ri për të parandaluar deputetët që të punësojnë anëtarët e familjes si asistentë.
Peticioni dëshiron të bëjë të qartë se nuk është një sulm ndaj zonjës Macron apo aftësive të saj.
“Ne i denoncojmë ashpër të gjitha sulmet seksiste ndaj Brigitte Macron dhe ne nuk i vëmë në pikëpyetje aftësitë e saj. Por nuk mund të miratojmë iniciativën e një statuti të veçantë për gruan e Presidentit”, thuhet më tej në peticion.
(E.K/SHUPLAKA)
Discussion about this post