2.3 tonë drogë në Itali, Berisha: Si po korrin “sukses” Rama e Çako me operacionet

Pas Lulzim Bashës ka reaguar edhe ish-kryeministri Sali Berisha lidhur me kapjen e 2.3 tonëve drogë në Itali, sasi që vinte nga Shqipëria.

Me ironi Berisha shprehet se kryeministri Edi Rama, të cilin ai e quan Noriega, si edhe drejtori i Përgjithshëm i Policisë Haki Çako, po korrin sukses të madh lidhur me eksportin e drogës.

Sipas Berishës, policia përqendrohet tek trafikantët në vend, duke lënë të lirë ata që e transportojnë drogën jashtë vendit.

“Noriega dhe Haki droga, krenare me suksesin e madh ne eksportin e droges. Po nisin çdo jave tonelata ne Itali!!

Te dashur miq, Noriega dhe Haki droga, me operacionet e tyre te fuqishme kunder droges dhe trafikanteve, kane arritur kohet e fundit suksese te medha ne eksportin e kanabisit. Keshtu, çdo jave, fale luftes me zero tolerance te tyre kunder kanabisit, ata nisin si eksport 2-12 ton hashash. Kete here te fundit nxoren 1000 policie nga toka, deti dhe ajri per te bllokuar trafikantet, por jo ata qe eksportojne mall, ndaj u eksportuan 2.3 ton!?”, shkruan Berisha. (D.D/Shuplaka)