Tashmë është e përditshme pothuajse, lajmet në lidhje me sasi të drogës së kapur në Itali dhë përfshirjen e shtetasve shqiptarë. Rasti më i fundit është sekuestruar dje, ndërsa katër trafikantëve iu është gjetur një sasi prej 2.4 ton hashash.
‘Ravenna today’ shkruan se pas hetimeve u kapën 4 persona, një 26-vjeçar italian si dhe tre shqiptarë, 21, 27 dhe 53 vjeç. Tashmë të gjithë ndodhen pas hekurave nën akuzën e transportit të lëndëve narkotike. Ndërkohë, me trafikantëve dhe policisë ka pasur përplasje me armë zjarri.
Kontrolli dhe ‘surpriza’
Hetimet rreth këtij grupi kriminal nisi pas një kontrolli të territorit, gjatë natës së të enjtes së kaluar nga karabinierët e Cervia-s dhe Milano Marittima. Patrulla e policisë pikasi një furgon rreth orës 04: 30 të mëngjesit përgjatë zonës së Savio-s, që të çonte në drejtim të Ravenës. ‘Ravenna today’ shkruan se në mjet kishte dy persona. Pas një ndjekje të shkurtër, furgoni që drejtohej nga 26-vjeçari italian u ndalua, ndërsa brenda tij kishte 2,4 ton marijuanë, 62 kg hashash, 4 kg vaj hashashi. Sakaq, personi tjetër arriti t’ia mbathte. Një sekuestrim ky i përmasave të mëdha sa i takon kësaj zone.
(E.K/FAXWEB)
