2.6 kilogramë lëndë narkotike e llojit “Cannabis sativa” janë gjetur dhe sekuestruar në dalje të fshatit Miras, në vendin e quajtur “Ura e Vidohovës”.
Sasia e drogës u gjet e fshehur në një thes plasmasi të bardhë, ndërkohë që nuk ka ende asnjë të arrestuar për rastin në fjalë.
Detaje të Policisë së Korçës:
Goditet një tjetër rast i “Prodhimit dhe shitjes së lëndëve narkotike”.
Sekuestrohet 2,6 kg lëndë narkotike e dyshuar Cannabis Sativa.
Më datë 21.06.2017, në bazë të informacioneve të siguruara në rrugë policore si edhe gjatë kontrollit që shërbimet e Komisariatit të Policisë Devoll, kanë ushtruar në dalje të fshatit Miras, konkretisht në vendin e quajtur “Ura e Vidohovës”, u gjet dhe sekuestrua në cilësinë e provës materiale :
2,6 Kg me bimë të dyshuar si narkotike Cannabis Sativa (sasi kjo e vendosur në një thes plasmasi të bardhë)
Nga ana e Policisë po punohet për identifikimin, kapjen e autorëve si edhe zbardhjen e plotë të rrethanave të ngjarjes.
Materialet i kaluan Prokurorisë të Rrethit Gjyqësor Korçë për veprën penale : “Prodhimi dhe shitja e narkotikëve” parashikuar nga neni 283 i Kodit Penal.
(XH.A/SHUPLAKA)
[ngg_images source=”galleries” container_ids=”2205″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
