Një tjetër rast i trafikimit të lëndëve narkotike është godituyr në pikën kufitare të Kakavijës. Në pranga ka rënë Alban Kapllari. Atij i është gjetur 2 kilogramë heroinë. Droga iu gjet në autobusin e linjës Athinë-Shkodër.
Ndërkohë që një rast tjetër është paraqitur edhe në Berat, ku një 53 vjeçar ka rënë në prangat e policisë për posedimin e 16 kilogramë kanabis sativa.
Detajet e policisë:
Gjatë 12 orëve të fundit goditen 2 raste të Trafikut të lëndëve narkotike.
1 rast i trafikut ndërkombëtar të drogërave të forta dhe 1 rast prodhim-shitje lëndë narkotike e llojit Cannabis Sativa.
-Sekuestrohet nga Policia Kufitare Kakavije 2 kg Heroinë.
Në pranga shtetasi A.K., 36 vjeç , banues në Tiranë .
-Sekuestrohen nga Policia e Beratit 16 kg Cannabis Sativa.
Arrestohet në flagrancë shtetasi K.B., 58 vjeç, banues në Skrapar.
Kakavije
Në dalje të Republikës së Shqipërisë është paraqitur shtetasi A.K., me mjetin mikrobus të linjës Shkodër-Athinë.Pas regjistrimit në sistemin TIMS nga punonjësit e Policisë Kufitare, mjeti ka kaluar në vijën e dytë për një kontroll më të imtësishëm.
Gjatë kontrollit të ushtruar në vijen e dytë, në frigoriferin e këtij automjeti kishte disa pako me lëndë të dyshuar narkotike Heroinë.
Gjatë kontrollit të imtësishëm nga grupi hetimor, në frigorifer u gjetën 4 pako me lëndë narkotike të dyshuar Heroinë, me peshë totale 2 kg.
Berat
Sekuestrohen nga Policia e Beratit 16 kg Cannabis Sativa. Arrestohet në flagrancë shtetasi K.B., 58 vjeç, banues në Skrapar.
Arrestimi i këtij shtetasi i bë pasi në bazë të informacioneve të siguruara në rrugë operative dhe gjatë kontrollit të ushtruar në banesën e shtetasit K.B., iu gjetën dhe sekuestruan në cilësinë e provës materiale:
7 pako të mbështjella me letër natribani me peshë 16 kg lëndë narkotike e dyshuar Cannabis Sativa. (E.K/SHUPLAKA)
