Kryeministri Edi Rama ka qenë i pranishëm mëngjesin e sotëm në takimin që kanë zhvilluar ministrat e drejtësisë së Ballkanit Perëndimor, së bashku me ambasadorin e BE-së Luigi Soreca dhe Majlinda Bregun.
Rama foli sërish lidhur me procesin e negociatave të vendit, ku për kushtet e reja të vëna për Shqipërinë akuzoi në mënyrë direkte problemet e brendshme të vendeve anëtare të BE-së.
“Nuk dua të bëj fajtore BE-në po ne kemi qenë në dijeni të përplasjes mes vetë venedeve anëtare. Politika e jashtme e SHBA është drejt bashkëpunimit, lufta nuk ka sjellë asnjë përparësi për SHBA. Një 20-vjeçar në rajonin tonë e ka perëndimin në prag të derës, dhe prapë nuk lejohet që të jetë pjesë e tij”, u shpreh Rama.
Më tej kryeministri për të bërë akoma më shumë me faj BE-në mori si shembull Kosovën, që sipas tij është duke u trajtuar në mënyrë të padrejtë.
“Kosova po trajtohet në një mënyrë të padrejtë, i kanë vënë veton për liberalizimin e vizave, pavarësisht se ka plotësuar kushtet që i janë kërkuar. 2 mln vetë në Kosovë po mbahen ‘peng’, ndërkohë që kanë qenë më të lirë në kohën e Millosheviçit, pavarësisht se kanë qenë të pushtuar”, tha Rama.
Më tej kreu i qeverisë foli dhe për Reformën në Drejtësi, që sipas tij po bëhet për të shpëtuar njëherë e mirë vendin nga korrupsioni.
“Drejtësia mbi të gjitha, sigurisht na bën të jemi të angazhuar. Nuk duhet të bëjmë të lumtur Parisin e Hagën, por vendin tone. Mirqënia nuk ka të bëj me klimën e fenë por me institucionet.
Vettingu ishte revolucioni ynë francez, u prekën të paprekshmit, ata që ushqenin dhe rrisnin korrupsionin. Nuk kemi Gjykatë Kushtetuese, ky është problem që tashmë nga thuhet në njërin prej kushteve, ndërkohë që ne po pastrojmë sistemin nga gjykatësit e korruptuar.
Mungesa e Kushtetueses është një sukses për momentin, pasi pastrami i Drejtësisë ishte ajo që nga u kërkua dhe u arrit në sajë të mbështetjes dhe të dhënë nga SHBA”, deklaroi më tej Rama, që fjalimin e tij preferoi që ta mbante në gjuhën angleze.
(E.K/Faxweb.al)
Discussion about this post