Duhej të ishte surpriza e mbrëmjes pasi pakkush e priste aktivizimin e tij titullar, por ashtu si shumica e skuadrës edhe Jasin Adli zhgënjeu.
E megjithatë, francezi nuk ngurroi të fliste për mediat, teksa pas humbjes deklaroi: “Ishte një ndeshje që duhej të vendosej nga detajet dhe trajneri na kishte dhënë çdo informacion për rivalët. E nisëm mirë dhe pas barazimit mund të kishim shënuar një tjetër gol. Gjërat ndryshuan disi pas dëmtimit të Çaut, por edhe tersi është pjesë e futbollit. Më vjen keq për tifozët sepse kishin ndërtuar një atmosferë unike në stadium”.
Sidoqoftë, mesfushori i Milanit sheh ende shpresa kualifikimi në Champions. Ai i njeh fort mirë vështirësisë pasi një fitore ndaj Njukasëllit mund të mos mjaftojë nëse nuk vjen edhe një fitore e Dortmundit me PSG-në.
“E dimë që ky kompeticion ka dhënë gjithmonë emocione të ndryshme, veçanërisht Milanit. Do ta besojmë deri në fund. Kemi luajtur disa ndeshje të mira, por nuk mjafton në këtë nivel. Do të japim gjithçka për ndeshjen me Njukasëllin e do të përpiqemi të fitojmë, por kemi 2-3 për qind shanse kualifikimi. Do të japim gjithçka dhe do të shpresojmë për një rezultat pozitiv të Dortmundit”, përfundoi Adli.
Discussion about this post