Për deklaratën e fortë të Lu-së ku ky i fundit deklaroi se në vend ka 20 familje kriminale që drejtojnë krimin në vend Balla u shpreh se për këtë duhet të flasin më mirë organet kopetente.
Balla nënvizoi se qeveria ka një plan për këtë çështje dhe se ai dot ë jetë i hapur për çdo ndyshim ligjor që do të jetë i nevojshëm në lidhje me këtë problematikë.
“E para nuk dua që të mos flas përpara autoriteteve ligjzbatuese por dua të them shumë qartë që qeveria jonë ka një plan të mirëkonfinuar dhe në çdo rast që duhet të jetë rregullojë dhe për ndryshime në ligj do të jem gjithmonë pro çdo detyrimi ligjor që ndoshta do të duhet të ndryshohet. Do të jeni të sigurt që do të jemi dëshmitarë të një platforme të madhe të të gjithë institucioneve të tjera për forcimin e shtetit ligjor në vend. Do adresohet çdo shqetësim jo vetëm i ambasadorit, por edhe i çdo shtetasi për forcimin e ligjeve në Shqipëri. Ditët në vijim policia do godasë fort krimin”, u shpreh Balla.
Vetëm dy ditë më parë ambasadori amerikan Donald Lu risolli në vëmendje rastin e gjyqtares së ndjerë Fildeze Hafizi, si dështim të sistemit të drejtësisë në Shqipëri.
Gjatë fjalës së tij për Magjistraturën, Lu u shpreh se në Shqipëri ka 20 familje kriminale shqiptare që dominojnë aktivitetet kriminale.
“Sistemi i drejtësisë e la në baltë Fildeze Hafizin. Lul Berisha u lirua gabimisht nga burgu. Vetitingu do fillojë javën që vjen, ky proces do të bëhet me profesionalizëm. Shqiptarët duhet të jenë krenarë që kanë larguar kriminelët nga parlamenti. Parlamenti i 2017 është më i mirë se ai i mëparshmi.
Lufta kundër krimit të organizuar derisa peshqit e mëdhenj të futen në burg. Katër klane kryesore drejtojnë 20 familje kriminale shqiptare që dominojnë aktivitetet kriminale.
Emiljano Shullazi është një nga këta grupe kriminale. Lulzim Berisha, i cili u lirua gabimisht. Klement Balili i shpëtoi drejtësisë për 18 muaj. Ka shumë Shullazë, Lul Berisha e Klement Balili në Shqipëri”, tha Lu. (J.V/Shuplaka)
Discussion about this post