Nëse mendoni se në Shqipëri janë familjet më të mëdha në numër, e keni gabim. Në Britani shikuesit kanë mbetur me gojë hapur pasi prindërit me 20 fëmijët e tyre kanë qenë pjesë e një emisioni mëngjesi.
Sue, 42 vjeç, dhe Noel Radford, 46 vjeç, nga Morecambe, Lancashire, e shtuan familjen me fëmijën e tyre më të vogël dhe djalin e 11-të,Archie në shtator të vitit të kaluar dhe u betuan se ky do të ishte fëmija i fundit i tyre. Për të parë nëse kjo do të jetë e vërtetë na mbetet të presim dhe të shohim.
Familja prej 22 personash u shfaq në ITV’s Today Morning, duke zënë pjesën më të madhe të studios. Fëmijët, të moshës midis 28 vjeç deri në tre muajsh, u ulën ndërkohë që prindërit tregonin historinë e tyre të jetës.
Nëna u pyet nga prezantuesi : “Shumica e nënave që kanë pasur një, dy apo tre lindje thonë që janë “shkatërruar”, ju si ndiheni pasi keni lindur 20 fëmijë?”
Ajo qesh duke shpjeguar se menbdon se lulëzon pas çdo lidjeje të saj.
“Unë mendoj vetëm lulëzoj, trupi im kthehet normal pas çdo lindje. Gjëja kryesore, vrapimi pas tyre më ndihmon të kthehem në formë mjaft shpejt “, u shpreh ajo.
Çifti ka thënë se janë të lumtur të ndalojnë numrin e fëmijëve pasi mirëpritën djalin e tyre më të vogël.
Archie u bashkua me vëllezërit e motrat Chris 28 vjeç, Sophie 23 vjeç, Chloe, 22 vjeç, Jack 20 vjeç, Daniel 18 vjeç, Luke dhe Millie 16 vjeç, Katie 14 vjeç, James 13 vjeç, Ellie 12 vjeç, Aimee 10 vjeç, Max 8 vjeç, Tillie 7 vjeç, Oscar 5 vjeç , Casper 4 vjeç, Hallie 2 vjeç dhe Phoebe 16 muajsh.
Çifti u takua për herë të parë kur Sue ishte vetëm shtatë vjeçe dhe linden fëmijën e tyre të parë, Chris, 28 vjet më parë, kur Sue ishte vetëm 14 vjeçe. Çifti vendosi ta mbante fëmijën pavarësisht moshës së tyre mjaft të re.
Ata u bënë gjyshër kur vajza e tyre Sophie lindi dhe tashmë ka tre fëmijë. Familja jeton në një shtëpi në Viktoria, një shtëpi e vjetër kujdesi prej 240 mijë funtesh, që e blenë 13 vjet më pare.
Ata shpenzojnë 300 dollarë në javë për blerjen e ushqimeve, me 18 pite, qumësht, tre litra lëng dhe tre kuti drithi që konsumohen çdo ditë.
Kur bëhet fjalë për festimin e ditëlindjeve të fëmijëve të tyre, ata kanë një buxhet prej 100 euro për dhurata, ndërsa për Krishtlindje ata lënë mënjanë midis 100 dhe 250 euro.
(E.K/FAXWEB
Discussion about this post