20 efektivë të Policisë së Shtetit me grada të niveleve zbatuese, të mesme dhe të larta, kanë marrë përgjigje negative nga Drejtoria e Sigurimit të Informacionit të Klasifikuar dhe strukturat përkatëse në Policinë e Shtetit, për pajisjen me certifikatën e sigurisë.
Burime pranë Policisë së Shtetit bënë me dije për gazetaren e “Fax News”, Xhensila kodrën, se përgjigjia u ka shkuar ditët e fundit, ndërsa në vetëm 3 muajt e fundit janë 60 efektivë të cilëve u janë refuzuar çertifikatat e sigurisë.
Arsyet kanë qenë të ndryshmet, që nga incidentet që kanë pasur brenda rradhëve të policisë, e deri tek vërejtjet dhe problemet e vërejtura gjatë hetimit të dosjeve të ndryshme.
Ndërkaq, me ligjin për Vetingun në polici, mësohet se këta oficerë nuk duhet të jenë më pjesë e uniformave blu. Mbetet për t’u parë nëse oficerët do të përjashtohen nga policia, apo do të emërohen në struktura në të cilat nuk është e nevojshme pajisja me certifikatë sigurie.
Çertifikata e sigurisë është një dokument që i lejon personat që e mbajnë ate të kenë akses, të njihen, te administrojnë, e të transferojnë informacion te klasifikuar”sekret shteteror.”
Ndërkohë që të drejtën për të lëshuar një çertifikatë të tillë e ka Drejtoria e Sigurimit te Informacionit te Klasifikuar (DSIK), prane Këshillit të Ministrave. Lëshimi i kësaj çertifikatë kryhet vetëm mbas verifikimit të pastërtise së figurës së personit.
(F.M/Faxweb)
