Duket se në vendin tonë askush nuk ka të drejtë të protestojë pasi në të kundërt ka një “dënim” mund të jetë shoqërim në polici ose si ka ndodhur në këtë rast: pushim nga puna. 20 punonjës të një fasonerie në Vlorë janë pushuar nga puna me urdhër të pronarit (italian) pasi disa ditë më parë u ngritën në protestë për mosmarrjen e pagës së luftës.
Bëhet fjalë për 250 punonjës të cilët tentuan të ngrenë zërin kundrejt padrejtësisë që po iu bëhet dhe të gjithë punonjësit të cilët u prononcuan për median, shprehën pakënaqësitë e tyre për mënyrën si funksionon puna, kushtet si dhe pagën e luftës, janë urdhëruar të mos paraqiten më në punë.
Këta punonjës kanë trokitur në shumë dyer dhe kudo janë larguar me justifikime nga më të ndryshmet duke mos përfituar asnjëri pagën e merituar të luftës madje janë shprehur se janë ofenduar shpesh nga pronari i tyre. Sipas tyre përfaqësuesit e biznesit nuk kanë pranuar të prononcohen ndërsa janë mjaftuar duke thënë se “fasoneria u përmbahet të gjitha rregullave”.
Discussion about this post