Ky vit që po lëmë pas në Kosovë u përshkrua nga protesta dhe skena dhune. Kjo si pasojë e një krize politike që nisi në gusht të vitit 2015 me marrëveshjen për krijimin e Asociacionit të Komunave me Shumicë Serbe dhe asaj për shënimin e kufirit me Malin e Zi Veç hyrjes në fuqi të marrëveshjes të Stabilizim Asociimit me Bashkimin Europian, Kosova e mbylli edhe këtë vit, duke mbetur e fundit në proceset integruese, shkruan Gazeta Express.
Gazi lotsjellës në Kuvend dhe jashtë tij u bënë pjesë e krizës politike që zuri fillin e kundërshtimit të dy marrëveshjeve, Asosiacionit të komunave me shumicë serbe dhe Demarkacionit me Malin e Zi. Po kështu edhe protesta e 9 janarit shkaktoi përleshje të dhunshme në mes të policisë dhe protestuesve. Gazi lotsjellës pengoi edhe sezonin e ri të seancave në Kuvend. Gazi lotsjellës u përhap edhe kur Hashim Thaçi u zgjodh president, kështu nuk mungoi as në ceremoninë e përurimit të presidentit. Por edhe në muajt shkurt dhe mars ndodhën disa djegie të makinave të zyrtarëve të LDK’së dhe PDK’së, por edhe sulmi me zollë në ndërtesën e Kuvendit.
Mosmarrveshjet me opozitën nuk u zbutën as pak vlerësimit të ekspertëve ndërkombëtar për shënimin e vijës kufitare me Malin e Zi, të cilët thanë se demarkacioni nuk e cenon territorin e Kosovës. Ndërsa, opozita ngul këmbë se Kosova humb 8 mijë hektarë tokë. (J.V/Shuplaka)
[ngg_images source=”galleries” container_ids=”482″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post