Avokati Altin Goxhaj ishte i ftuar në studion e lajmeve të Fax News nga ku foli për sistemin zgjedhor aktual dhe atë që pritet të ndodhi me ndryshimet e parashikuara të ndodhin me miratimin e Reformës Zgjedhore.
Goxhaj ka deklaruar se zgjidhja e vetme për t’i dhënë fund tranzicionit politik, kontestimit të zgjedhjeve dhe sistemit aktual politik, është referendumi dhe zgjedhja nga populli e sistemit zgjedhor që dëshiron të ketë.
“Ka dy variante, ose proporcional i hapur, dhe jo më kot e kërkon Soros se do të përcaktojë përmes numrave, nga 1500 kandidat një numër, kush e mban mend numrin që ka një kandidat. Ndërsa mazhoritari çdo kandidat për 60 ditë mbulon një zonë elektorale. Zgjidhja është me referendum, dhe jam partizan që në 2020 me iniciativën e qytetarëve, të mund të realizohet në Shqipëri një referendum për sistemin zgjedhor. Natyrisht që pjesmarrja do të jetë e ulët se shoqëria e ka humbur besimin. Nëse nuk jemi në gjendje gjatë fushatës referendare, koncepti është shumë i thjeshtë, populli duhet të vendos, nuk mundet që vendi të zgjedhë vetëm Bashën dhe Ramën.
Me sistemi proporcional, i thua Fevziut faleminderit, Ilva Tares faleminderit etj, unë po i them faleminderit Fax News-it, sepse sot çdo drejtues emisioni mund të caktojë kandidatin e vet duke i bërë reklamë. Formula parlamentare nuk mund të jetë me prag më të madh se 2.5%. Unë si Altin duke qenë nga sistemi mazhoritar, sjell një klasë të re politike, partia ‘X’ refuzon të marri kandidatin e shkëlqyer, sepse do ushtarin e vet. Dikur mjafton të dilje me një logo partie pavarësisht se kush ishe, do të fitoje, ndërsa sot patitë e kanë humbur imazhin e tyre. Kjo ngarkon më shumë zona me kandidat, dhe këta kandidatë do të kapin fazën e parë, krijojnë balotazhin, por kur dalin në raundin e dytë, mbështetesit shkojnë tek partitë opozitare. Nëse PS-ja del e para kandidatët më të mirë bashkohen dhe mund ta mundin PS-në, ndërsa me proporcionalin e kanë të pamundur. Referendumi është ai që i jep fund këtij sistemi”.
Sa janë gati qytetarët pasi çdo ditë e tregohen më të distancuar?
Goxhaj: Viti 2020 është viti që përcakton fatin përfundimtar të Shqipërisë, dhe nëse nuk ndodh këtë vit nuk do të ketë më asnjë shans. Një referendum në këto kushte është i mundshëm. Kemi një vit që mund ta bëjmë duke marrë parasysh se edhe zgjedhjet janë larg. Sado të përpiqet KQZ ta pengojë referendumin, kemi duke u shfaqur Gjykatën Kushtetuese që u jep të drejtë qytetarëve ta bëjnë. Kjo do infrastrukturëq dhe mekanizma politike që të bashkëveprojnë por edhe shoqëria civile. Pavarësisht se politika nuk është bashkë, presionin e hanë gjithmonë, dhe nëse ka presion ata do të pranojnë.
Shqipëria ka shpresë për të bërë zgjedhje të lira dhe të ndershme jo menjëherë por pjesë-pjesë. Ne mund ta mundim këtë klasë politike me formula të ndryshme. Ne koalicioni i Qytetarëve për Shqipërinë do të hyjmë në zgjedhje me një formulë. Ne do të themi se me votat që do të marrim do të detyrojmë partitë të krijojnë qeveri teknike 6 mujore. Kjo do të organizojë zgjdhje të parakohshme të reja por pas kalimit të një reforme të thellë kushtetuese zgjedhore. Kur them kështu nuk duhet të jetë as Veliaj, as Monika, as Edi Rama dhe as Lul Basha, por me personalitete që nuk kanë lidhje me partitë, për të mbyllur tranzicionin, pastaj organizojmë zgjedhje të lira dhe demokratike.
Kemi pasur më herët edhe qeveri të tjera teknike, por çfarë mund të presim kur faktet janë të arta?
Goxhaj: Ata kanë qenë qeveri teknike që i shërbenin klasës së vjetër, janë krijuar për atë punë. Ka formula, ka shpresë, ka rrugëdalje Shqipëra. Kemi thënë gjithmonë si vidhet vota, por do t’ju tregojmë se si nuk vidhet vota.
Ndiqni të plotë intervistën:
(F.GJ/FAXWEB.AL)
Discussion about this post