Kreu i qeverisë Edi Rama, në mbledhjen e tretë të Komitetit Kombëtar të Rindërtimit u shpreh se maksimumi brenda pranverës duhet të nisë puna për ndërtimin e banesave të reja, që të mund të shpërngulen të gjithë banorët që jetojnë në çadra.
“Ne jemi gati që me fillimin e pranverës, maksimumi në Mars të fillojmë të bëjmë vlerësimin e famiuljeve që jetojnë në çadra, në shi.
Spitalet dhe shkollat duhet të ndërtohen brenda qendrave urbane, fëmijët duhet të nisin vitin tjetër në shkolla shumë më të mira se ato që kishin më parë”, u shpreh Rama.
Kreu i qeverisë vendosi theksin te fundi i vitit 2020, ku tha se do të kenë nisur akomodimet e banorëve në banesat e re.
“Objektivi është që deri në fund të 2020-tës të kenë filluar akomodimet e banorëve që janë sot me qera në apartamente të reja”, tha Rama.
Ndërkohë që duke iu rikthyer shifrave të donatorëve, Rama tha se angazhimet e ndërkombëtarëve pritet që të rriten, duke marrë parasysh një konferencë që do të mbahet nga vendet e BE-së.
“Kemi 21 milionë angazhime të marra nga donatorë ndërkombëtarë, natyrisht kjo e fundit është një shifër që do të lëvizë në vijim. Mbetet për tu parë vendimi përfundimtar i organizatorëve të konferencës së denatorëve që do të organozojë BE, dhe shtuar këtu dhe donacioneve që kanë marrë organizatat, të publikohen në të njëjtën faqe, që natyrisht do të jenë të ndara, duhet të nxirren sa më shpejtë nga çadra të gjithë qytetarët”, u shpreh Rama.
Kreu i qeverisë deklaroi më tej se pas një viti askush nuk do të duhet ta presë vitin e ri në çadra, nga afro 10 mijë qytetarë që janë këtë vit që flasim.
(E.K/Faxweb.al)
Discussion about this post