Dosja “21 janari” është trajtuar sot në emisionin “Pushteti” me drejtuese Juela Meçanin. Çfarë po synon Partia Socialiste me denoncimin e ministrit të Drejtësisë Ulsi Manja?
Ministri Manja ka ngritur një padi kundër kryeministrit të asaj kohe Sali Berisha, ish-ministrit të Brendshëm Lulëzim Basha dhe Ndrea Prendi i cili ka qenë komandanti Gardës në momentin që ka ndodhur vrasja e katër protestuesve në bulevardin Dëshmorët e Kombit.
Lind pyetja se pse PS u kujtua pikërisht tani, në prag të zgjedhjeve, por ndonjëherë mendohet më mirë vonë se kurrë!
Depueteti i Partisë Socialiste Petro Koçi ka qenë i ftuar bashkë me kryetarin e Nismës Thurje Endri Shabani dhe kryeredaktorin e Liberale, Redar Dedaj.
Koçi: E para është se pavarësisht se kanë kaluar 12 vjet dhimbja është prezente dhe ngjarja ka ndodhur dje. Publiku por dhe ne si parti politike jemi të ndërgjegjshëm që drejtësia nuk ka shkuar deri atije ku duhet. Kjo e mban këtë dhimbje më të ndjeshme.
Sa i përket kallëzimit në SPAK jemi nisur nga audiopërgjimi i cili përbën një provë shumë serioze që dëshmon se ajo që ka ndodhur nuk ka qenë prej pakujdesisë por diçka e urdhëruar. Indicia është për të rinisur hetimet. Organi hetimor duhet të punojë dhe të sjelli në vëmëndje ngjarjen për shkak të kësaj indicie.
Shabani: Unë jam jurist po nuk dua të bëj ekspertin ligjor po dua ta shoh politikisht çështjen. PS ka 10 vite në pushtet dhe para 3 vitesh ka ardhur SPAK. Kanë pritur 10 vite, kohë e cila e vështirëson zbulimin e veprës penale. Ka një tallje që e kanë çuar aty për shpërdorim detyre, këta kanë 10 vite në pushtet dhe tani e akuzojnë Berishën për shpërdorim detyre.
Discussion about this post