21 kilogramë drogë brenda makinës në Muriqan, arrestohen 2 persona

Një pikën kufitare të Muriqanit janë kapur nga policia 21 kilogramë drogë dhe janë arrestuar dy persona. 

Maradona Bega, 23 vjeç dhe Dornela S, 26 vjeçe,  në makinën tip Benz që po udhëtonin kishin fshehur  21 kilogramë drogë. 

DETAJE:

Në vijim të punës për goditjen e trafikimit të lëndëve narkotike, nga shërbimet e Policisë Kufitare më datë 13.10.2017, u godit një tjetër rast i tentativës për trafikim të lëndëve narkotike ku u arrestuan në flagrancë shtetasit: Maradona Bega, 23 vjeç, banues në lagjen Nr 1, Tiranë Dornela S, 26 vjeçe, banuese në Tiranë.

Arrestimi i këtyre shtetasve u bë pasi në dalje nga territori R.SH-së, në PKK Muriqan në mjetin tip Benz, me targë AA 479 HM, në pronësi të shtetasit Maradona Bega, shërbimet e Policisë Kufitare gjatë kontrollit konstatuan të fshehur dhe sekuestruan në cilësinë e provës materiale 21 kilogramë lëndë narkotike “Cannabis Sativa”.

Materialet i kaluan Prokurorisë për Krimet e Rënda Tiranë, për veprën penale të “Trafikim i narkotikëve” kryer në bashkëpunim i mbetur në tentativë, parashikuar nga neni 283/a/2 e 22 i Kodit Penal. (J.V/Shuplaka)