21-vjeçari u arratis nga komisariati i Pukës, të afërmit: Na kërkoi bukë e iku, policia po na bën presion

Pas arratisjes së Emirjon Nikës  nga Komisariati i Policisë së Pukës, të afërmit i bëjnë apel të dorëzohet. 

Sipas “ BW”Gjyshja e 21-vjeçarit, Prenda Morina  ka thën se Emirjoni kishte shkuar atij pas arratisjes nga Komisariati dhe kishte kërkuar bukë e më pas ishte larguar.

 “Emirjoni pas arratisjes erdhi e kërkoi bukë. I thashë shko dorëzohu, por ai iku në drejtim teë varrezave”, tha gjyshja e tij.

Ndërsa daja Vlash Morina foli për dhunë nga ana e policisë. Ai tha se është sharë nga një punonjës i policisë, i cili ka tentuar edhe ta qëllojë.

“Prej të premtes jemi nën presionin e Policisë. Edhe pse kemi bashkëpunuar po më bëjnë presion vazhdimisht. Sot në komisariat një punonjës më shau me familje, tentoi të më qëllonte”, tregon ai,

Ndërkohë  të dy i kanë bërë thirrje nipit të dorëzohet në polici. “Ne i bëjmë apel, dorëzohu sa nuk është vonë”, thanë ata.

(S.SH/Shuplaka)