22 doza kanabis të fshehura, arrestohet 24-vjeçari me precedent penalë të mëparshëm (EMRI)

Një i ri është vënë në prangat e Policisë së Fierit pasi u kap në flagranë me 22 doza kanabis të fshehura.

Ai është identifikuar si Tauland Sinaj 24 vjeç, banues në lagjen “Naftëtari” në Patos, i dënuar më parë për “Prodhim dhe shitje të narkotikëve”.

Arrestimi i tij u krye pasi në lagjen “5 Shkurti” Ballsh, gjatë kontrollit fizik i janë gjetur dhe sekuestruar në cilësinë e provës materiale 22 doza lëndë narkotike e dyshuar Cannabis Sattiva.

“Kapet me 22 doza lëndë narkotike Cannabis Sattiva, arrestohet në flagrancë poseduesi. Specialsitët për Hetimin e Narkotikëve në Drejtorinë Vendore të Policisë Fier, arrestuan në flagrancë shtetasin:

-Tauland Sinaj, 24 vjeç, banues në lagjen “Naftëtari” Patos. (I dënuar më parë për veprën penale “Prodhimi dhe shitja e narkotikëve”). Arrestimi i këtij shtetasi u bë pasi në lagjen “5 Shkurti” Ballsh, gjatë kontrollit fizik i janë gjetur dhe sekuestruar në cilësinë e provës materiale 22 doza lëndë narkotike e dyshuar Cannabis Sattiva.

Materialet i kaluan Prokurorisë pranë Gjykatës së Shkallës së Parë Fier për  veprën penale “Prodhimi dhe shitja e narkotikëve” parashikuar nga Neni 283/1 i Kodit Penal.”, bëhet me dije në njoftimin e policisë. (XH.A/SHUPLAKA)