Mijëra njerëz janë mbledhur në sheshin Albert në Manchester, në shenjë solidarizimi me viktimat e sulmit terrorist të mbrëmjes së kaluar.
Nga sulmi në Britani humbën jetën 22 persona dhe u plagosën 119 të tjerë, kryesisht të rinj të cilët ishin mbledhur nnë koncertin e këngëtares Ariana Grande. Kjo ngjarje ka tronditur jo pak Europën dhe sigurinë e saj.
Sulmi është marrë përsipër nga organizata terroriste ISIS, e cila nëpërmjet një portali shkruan:“Me hirin dhe mbështetjen e Allahut, një ushtar i Kalifatit arriti të vendoste mjete shpërthyese në mes të tubimeve të kryqtarëve në qytetin britanik të Mançesterit”. (D.D/Shuplaka)
