Sulmi që goditi Manchesterin mbrëmjen e djeshme duket të jetë bërë nga grupi terrorist ISIS. Vetë konfrimimi i autorësisë së sulmit është bërë nga një portal i lidhur me organizatën.
Nga sulmi në Britani humbën jetën 22 persona dhe u plagosën 119 të tjerë, kryesisht të rinj. Kjo ngjarje ka tronditur jo pak Europën dhe sigurisë e saj.
“Me hirin dhe mbështetjen e Allahut, një ushtar i Kalifatit arriti të vendoste mjete shpërthyese në mes të tubimeve të kryqtarëve në qytetin britanik të Mançesterit’’, thuhet në mesazhin e ISIS-it.
Para ngjarjes së rëndë ka pasur dy postime në ‘’Twitter’’ që e kanë paralajmëruar sulmin vetëvrasës.
Departamenti Amerikan i Sigurisë Kombëtare po monitoron nga afër situatën në Mançester, por tha se nuk ka informata për të treguar një kërcënim të besueshëm të veçantë që përfshinte vendet e muzikës në Shtetet e Bashkuara.
Ndërkaq kryeministrja britanike Theresa May e ka cilësuar këtë një akt të tmerrshëm.
“Ishte një nga sulmet më të këqija që kemi parë, autorët e sulmit do të përgjigjen para drejtësisë, policia beson se e di identitetin e sulmuesit. Ishte një sulm i pështirë ndaj fëmijëve të pa mbrojtur”, tha ajo.
Kryeministrja britanike gjithashtu shprehu ngushëllim për viktimat dhe familjarët e tyre. Ajo falenderoi edhe shërbimet e emergjencës dhe të gjithë njerëzit që kishin kontribuar me ndihmë për njerëzit e sulmuar.
“Falenderoj shërbimet e emergjencës për punën e bërë por edhe të gjithë njerëzit që u erdhën në ndihmë atyre njerëzve. Mendimet dhe lutjet tona shkojnë për të gjithë familjarët e viktimave”, deklaroi ajo.
(E.K/SHUPLAKA)
Discussion about this post