Kryeministri Rama ishte sot në një takim me ish punonjës të policisë së shtetit ku ndër të tjera theksoi rëndësinë që kanë uniformat blu, aq më tepër që sipas tij ka pasur shumë humbje jete nga radhët e policisë, 227 dëshmorë një shifër jo normale për një vend demokratik.
‘Nuk ka kategori tjetër që të numërojë brenda radhëve të veta njerëz që kanë humbur jetën për shkak të detyrës siç është rasti i policisë së shtetit. 227 dëshmorë, në uniformat blu, gati-gati nuk të besohet që është një numër që korresponon me demokracinë. Jo shumë vite më parë, deri pak më shumë se një dekadë trupat e policisë, drejtuesit, e humbnin jetën si diçka që ishte pjesë e punës. Nuk e harroj kur asokohe në opozitë shkonim herë pas here tek shtëpia SHQUP, te godina e ish-shtëpisë së ushtarakëve për të bërë homazhe. Mblidheshin drejtuesit e policisë, kolegë, shok të atyre që kishin rënë në krye të detyrës. Kjo e bën më të madhe detyrën për të qenë falenderues ndaj të gjithëve ju.’
