Në Memaliaj janë kapur nga policia 23 kilogramë e 700 gr lëndë e dyshuar narkotike Cannabis Sativa. Nga policia janë arrestuar 2 persona. Në prangat e policisë ka rënë 52-vjeçari me iniciale S.Z pasi pasi u pikas nga policia në aksin rugor Kalivç-Krahës ai lëvizi me shpejtësi të madhe me makinë dhe hodhi në rrugë 2 (dy) thasë plastmasi me drogë.
I arrestuar tjetër është 19-vjeçari Emarjus Rodha, të cilit nga kontrolli i ushtruar nga punonjësit e policisë së Pikës së Kalimit Kufitar Kakavije, në trup iu gjet një pako me lëndë të dyshuar narkotike Cannabis Sativa, me peshë 200 gramë.
DETAJE:
Memaliaj: Nga Specialistët e Seksionit të Hetimit të Narkotikëve në D.V.P. Gjirokastër u bë shpallja në kërkim e shtetasit : S.Z. 25 vjeç, banues ne fshatin Kalivaç, Memaliaj. Shpallja në kërkim e këtij shtetasi u bë pasi: Më datë 05.09.2017, në aksin rugor Kalivç-Krahës, shtetasi S.Z, me automjetin e tij “Fiat Punto”, pas thirrjes që i është bërë nga shërbimet e policisë për të ndaluar, ky shtetas është larguar me shumë shpejtësi, ku në rrugë ka hedhur 2 (dy) thasë plastmasi me lëndë të dyshuar narkotike Cannabis Sativa. Më pas ky shtetas ka braktisur automjetin në fshatin Krahës. Nga shërbimet e policisë vijon puna për kapjen e këtij shtetasi. Pesha totale e lëndës narkotike rezultoi 23 kg e 500 gr, e cila u sekuestrua në cilësinë e provës materiale.
Po kryhen veprimet hetimore për dokumentimin e plotë të ngjarjes si dhe po punohet për kapjen e këtij shtetasi.
Kakavije: Gjithashtu më datë 05.09.2017, nga Specialistët e Seksionit të Hetimit të Narkotikëve u bë arrestimi në flagrancë i shtetasit : Emarjus Rodha, 19 vjeç, banues ne fshatin Çermë, Lushnje, pasi: Më datë 05.09.2017, ky shtetas është paraqitur në dalje të Republikës së Shqipërisë për të udhëtuar drejt shtetit Grek. Nga kontrolli i ushtruar nga punonjësit e policisë së Pikës së Kalimit Kufitar Kakavije, në trup iu gjet një pako me lëndë të dyshuar narkotike Cannabis Sativa. Pesha totale e lëndës ishte 200 gram. Materialet i kaluan Prokurorisë së Rrethit Gjyqësor Gjirokastër për veprime të mëtejshme.
