Është finalizuar operacioni policor “SUMMER 2017” në qytetin e Shkodrës. Nga i cili janë sekuestruar 5 automjete të dyshuara të trafikuara. Policia ka proceduar penalisht dhe 2 shtetas dhe shpallet në kërkim një tjetër.
Në kuadër të planit operacional të Drejtorisë Vendore të Policisë Shkodër për goditjen e aktivitetit kriminal për trafikimin e mjeteve motorike, Specialistët e Seksionit për Trafiqet e paligjshme kanë finalizuar operacionin “SUMMER 2017” me qëllim bllokimin e automjeteve të trafikuara në Republikën e Shqipërisë, nga vendet e BE-së.
Gjatë këtij operacioni janë sekuestruar në cilësinë e provës materiale 5 automjete të dyshuara të trafikuara dhe me numër shasie të falsifikuar. Mjetet e bllokuara janë: -Mercedes Benz -Volksëagen -Rover -Alfa Romeo -Yamaha (motorçikletë) Për këto mjete, në vijim të veprimeve, janë proceduar në gjendje të lirë 2 shtetas dhe është shpallur në kërkim një tjetër Ndaj tyre janë referuar materialet proceduriale në Prokurorinë e Rrethit Gjyqësor Shkodër, për veprat penale “Trafikimi i mjeteve motorike” dhe “Falsifikimi i vulave, dhe stampave” të parashikuara nga nenet 141/a dhe 190 të Kodit Penal. Gjatë fazës së zbatimit të këtij operacioni janë kontrolluar:
-919 mjete
-879 dokumentacione të automjeteve
-1307 shtetas U kontrolluan dhe u verifikuan 22 shtetas me precedentë kriminalë, për tendencat në fushën e narkotikëve, trafiqeve dhe vjedhjeve.
Gjithashtu nga Sektori i Qarkullimit Rrugor janë vendosur 92 masa administrative. Në këtë operacion morën pjesë 230 forca policore.
(E.K/SHUPLAKA)
https://www.youtube.com/watch?v=mig11mVTyGA&feature=youtu.be
