Tjetër sasi drogë që tentohej të shkonte drejt Italisë është bllokuar nga policia italiane. Duhet thënë se kohët e fundit ka pasur disa operacione ku është nevojitur bashkëpunimi i të dyjave policive për t’ia dalë.
Tre persona të cilët janë arrestuar kanë tentuar të trafikojnë drejt Italisë me skaf 1403 kg drogë. Sipas operacioneve shtesë në lidhje me Operacionin e përbashkët antitrafik ndërkombëtar, skafistët gjatë ndjekjes nga policia kanë hedhur në det sasinë e lëndës narkotike.
Pas kësaj, në Kalabri ka filluar puna për rikuperimin e lëndës narkotike, e cila u hodh në det.
Tashmë policia ka vënë në pranga 3 skafistët shqiptarë, shtetasit: D. L, 27 vjeç, nga Fieri; K.S, 19 vjeç nga Fieri; dhe A. A, 36 vjeç, nga Vlora.
Policia thotë se ndjekja filloi në mbrëmjen e datës 6 Prill dhe përfundoi rreth orës 16:00 të datës 7 Prill në pjesën fundore të Greqisë, falë edhe informimit në kohë reale të Rojes Bregdetare Greke e cila ka aktivizuar të gjithë potencialin e saj.
“Roja Bregdetare dhe QNOD kishin njoftuar për një mjet lundrues të dyshimtë që lëvizte me shpejtësi të madhe në jug të Shqipërisë në afërsi të Korfuzit. Menjëherë Policia e Shtetit në bashkëpunim me GdF në Durrës dhe Vlorë, kishin sinjalizuar dhe ishin aktivizuar njësitë Guardia di Finanza në Bari e Taranto, si dhe dispozitivi Frontex. (E.K/SHUPLAKA)
Discussion about this post