Një 24 vjeçar ishte duke drejtuar mjetin e tonazhit të lartë pa patentë. Për këtë është ndaluar edhe nga punonjësit e policisë dhe 24 vjeçari ka tentuar të bëjë dhe korrupsion.
Policia njofton se në rrugën “Ferit Xhajko”, shërbimet e Policisë Rrugore, kanë arrestuar në flagrancë shtetasin Fatjon Alcani, 24 vjeç, banues në Tiranë.
“Ky shtetas duke drejtuar automjetin tip “Mercedes Benz”, të kategorisë Kamion, është ndaluar nga shërbimet e Policisë Rrugore, për kontrollin e dokumentacionit. Nga kontrolli i dokumentacionit ka rezultar pa çertifikatën e aftësis profesionale për mjetet e rënda”- njofton policia.
Sipas saj, kur punonjësit e Qarkullimit Rrugor i kanë komunikuar masën administrative për mos pasjen e kësaj çertifikate, ky shtetasi ka tentuar t’i japë 1000 lekë të reja punonjësit të Policisë, për t’iu shmangur masës administrative, por është arrestuar në kushtet e flagrancës.
Materialet i kaluan Prokurorisë pranë Gjykatës së Rrethit Gjyqësor Tiranë, për veprën penale “Korrupsion aktiv ndaj personave që ushtrojnë funksione publike”, parashikuar nga Neni 244 i Kodit Penal. (J.V/Shuplaka)
Discussion about this post