Kolumbia u ekliminua mbrëmë nga Kupa e Botës nga Anglia pas goditjes së penalltive. Por eliminimi më së shumti duket se po u kushton dy futbollistëve kolumbianë Mateus Uribe dhe Carlos Baccan të cilët janë ofenduar dhe madje kërcënuar edhe me vdekje.
Tifozët janë irrituar në rrjetet sociale pasi dy futbollistët humbën penalltitë duke bërë që Kolumbia të eliminohej nga Kupa e Botës.
Goditja e Uribes u ndal nga traversa, ndërsa ajo e Baccas u shpëtua nga portieri i Anglisë, heroi i ndeshjes Pickford.
Kërcënimet u bënë pavarësisht hetimit policor ndaj kërcënimeve të mëhershme për vdekje ndaj lojtarit kolumbian, Carlos Sanchez, i cili u largua me karton të kuq pas vetëm 3 minutash në ndeshjen hapëse kundër Japonisë.
Për koinçidencë dje ishte dhe 24-vjetori I vdekjes së Andres Escobar, mbrojtësit kolumbian që u qëllua për vdekje pasi shënoi një autogol që eliminoi Kolumbinë nga Kupa e Botës së vitit 1994 në Shtetet e Bashkuara.
Ky nuk është kërcënimi i parë për lojtarët në këtë Botëror, kërcënime me jetë ka pasur edhe ndaj lojtarit të Danimarkës Nicolai Jorgensen icili humbi penalltinë me Kroacinë.
(B.H/Faxweb)
Discussion about this post