Tre persona janë vënë në prangat e policisë, pas kontrollit të ushtruar në një autobus që kishte si destinacion Italinë. U vunë në pranga drejtuesi i mjetit, shoferi i dytë dhe pronari i autobusit. Nga hetimet e kryera rezulton se shtetasit e arrestuar kishin si destinacion vendet e Bashkimit Europian.
Arrestimi i tyre u krye pas sasisë prej 25 kilogramë lëndë narkotike e dyshuar “Cannabis sativa” që u gjen në bagazhin në krah të shoferit.
Detaje të policisë:
Tre persona janë arrestuar mbrëmjen e djeshme gjatë kontrollit të një autobusi që kishte si destinacion shtetin fqinj, Itali.
Janë sekuestruar 25 kilogramë kanabis sativa.
Të arrestuar janë:
Aleksander Kronaj , 29 vjeç, banues në Bardhaj,Shkoder.
Zef Perndoj, 56 vjeç, banues në lagjen “3 Herojt” Shkodër.
Agostin Arra, 60 vjeç, banues në Pistoja Itali.
Arrestimi i tyre u bë pasi, gjatë kontrollit të detajuar, të ushtruar në vijën e dytë nga shërbimet e Policisë Kufitare, (në dalje të Republikës së Shqipërisë), autobusit të linjës Shkodër-Pistoja, Itali me drejtues Aleksandër Kronaj dhe shofer i dytë Zef Perndoj dhe në pronësi të Agostin Arra, në bagazh në krahun e shoferit në një kuti metalike me përmasa 80 x 85 x 20 cm u gjetën dhe u sekuestruan në cilësinë e provës materiale: 25 kilogram lëndë e dyshuar si narkotike kanabis.
Nga veprimet hetimore të kryera, rezulton se shtetasit e mësipërm kishin si destinacion vendet e BE-së. Dosja i ka kaluar Prokurorisë të Krimeve të Rënda Tiranë, për akuzën e “Trafikimi i narkotikëve i kryer në bashkëpunim”.
(XH.A/SHUPLAKA)
[ngg_images source=”galleries” container_ids=”1386″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
