Ka nisur pak minuta më parë seanca dëgjimore në Këshillin e Lartë të Prokurorisë, ku do të intervistohen tre kandidatët për kryeprokuror, saktësisht Arta Marku, Fatjona Memçaj dhe Olsian Çela.
Prokurorja e Përgjithshme, Arta Marku është pyetur nga anëtarja e KLP-së Nurihan Seiti në lidhje me një çështje ku shteti shqiptar dëmtohej me 25 milionë dollar, dhe prokurori nuk e ka apeluar çështjen.
Marku u shpreh se ka marrë njohur vetëm nga mediat dhe se nuk ka qenë në dijeni të çështjes.
Nurihan Seiti: Në këtë periudhë kohë që keni qenë prokurore e Përgjitshme, prokurori i çështjes nuk ka bërë ankimim në Apel, ndaj një çështje ku shteti shqiptar dëmtohej me 25 milionë dollarë. Gjykata vendosi mos ta kalojë çështjen në gjyq dhe nuk u bë apelim. Çfarë kuptoni me prokurori përfaqëson akuzën e shtetit shqiptar?
Arta Marku: Për mungesën e apelimit të çështjes që ju përmendët, kam marrë informacion nga media, e cila bënë punë të shkëlqyer. Nuk kam marrë dijeni nga prokurori i çështjes në fjalë. Është një nga mangësitë që drejtuesi i prokurorisë ka në të drejtat që i jepen, që nuk mund të bëhet ankim apo rekurs. Është në vlerësim të prokurorit të çështjes.. Është në dorë të prokurorit. Prokurori përfaëson akuzën në emër të shtetit. Nuk është akuzë personale dhe veprin në emër të shtetit. Përfaqëson akuzën dhe vepron në të gjitha shkallët e gjyqësorit.
(M.Q/Faxweb.al)
