Sot festohet 26-vjetori i themelimit të gazetës “Rilindja Demokratike”, organ i Partisë Demokratike dhe gazeta e parë opozitare në vend pas rrëzimit të regjimit komunist.
Gjatë festës së organizuar nga PD-ja, kryetari i saj Lulzim Bahsha u shpreh se, opozita ka një qasje ndryshe nga ajo e kryeministrit Edi Rama, lidhur me mediat që kritikojnë punët e tyre.
Basha i ftoi mediat, edhe ato kritike ndaj tij, për të bashkëpunuar në mënyrë që të sigurohen zgjedhje të lira e të ndershme.
“Opozita është e hapur ndaj kritikave. Të bashkohemi për zgjedhje të lira e të ndershme. Të luftojnë kundër personave me rekorde kriminale që tentojnë të kandidojnë sërish. Të luftojmë për të zhdukur shitblerjen e votës”, u shpreh ndër të tjera gjatë fjalës së tij kryedemokrati Lulzim Basha. (A.R/SHUPLAKA)
