I quan statistika ”të suksesshme” ato të ministrit Saimir Tahiri, gazetari Flamur Vezaj. Pasi komentoi ditën e djeshme mbi konferencën e ministrit të Brendshëm dhe shifrave të servirura, Vezaj bën sot një interpretim të nevojshëm, i cili nuk është pak alarmant.
”Statistikat HORROR e sukseshme dhe ZYRTARE të M.Brendshem S.Tahiri për 2016:
– Janë regjistruar gjithsej 33805 vepra penale, thënë ndryshe 92 ngjarje në ditë!
– Janë proceduar penalisht 31220 autorë, nga të cilët janë ndaluar ose arrestuar 10068 persona nga Policia, thënë ndryshe 27 persona në ditë!
– Janë kapur 2211 persona të shpallur në kërkim gjatë 2016 ose me parë, thënë ndryshe 6 persona në ditë!
– Janë zhvilluar 277 operacione policore, thënë ndryshe, pa të shtunat dhe dielat, thuajse çdo ditë nga një operacion!!
– Janë mbi 270000 telefonata nga publiku në numrin 112 dhe 129, thënë ndryshe 739 telefonat në ditë nga qytetarët që ankohen!
– Janë afërsisht 40000 denoncimet në Komisariatin Dixhital, thënë ndryshe rreth 109 denoncime në ditë!!
– Policia e Shtetit gjatë vitit 2016 ka trajtuar 87090 konflikte, thënë ndryshe 238 konflikte në ditë!…………….ETJ ETJ ETJ. Jemi vend i sigurtë thonë. Gjykojeni vetë, statistika horroi”, përfundon Vezaj. (V.G/SHUPLAKA)
Discussion about this post