28-vjeçari nga Vlora i dehur rreh me grushte dhe shkelma 53-vjeçarin (EMRI)

Një 28-vjeçar nga Vlora është arrestuar nga policia , pasi në gjendje të dehur ka rrahur me grushte dhe shqelma një 53-vjeçar.

Ngjarja ka nodhur në agjen ‘1 Maj’, ku Martin Gërra për motive të dobëta është konfliktuar me më shtetasin K.B., 53 vjeç. Debati mes tyre ka degraduar deri në ushtrimin e dhunës nga i riu, duke e lënë të plagosur në rrugë 53-vjeçarin.

Ndërkohë që gjatë arrestimit u konstatua se i riu drejtonte mjetin në gjendje të dehur.

NJOFTIMI I POLICISË:
Ushtron dhunë fizike në gjendje të dehur, për motive të dobëta ndaj një shtetasi, duke e lënë të dëmtuar dhe largohet duke drejtuar mjetin nën efektin e pijeve alkoolike. Arrestohet në flagrancë nga policia për plagosje të lehtë më dashje dhe drejtim i automjetit në mënyrë të parregullt, shtetasi:

Martin Gërra, 28 vjeç, banues në Vlorë.
Shtetasi i mësipërm pas një konflikti që ka pasur në lagjen ‘1 Maj’, për motive të dobëta më shtetasin K.B., 53 vjeç, ka ushtruar dhunë fizike duke e goditur këtë të fundit, i cili për pasojë ka mbetur i dëmtuar dhe gjendet në Spitalin Rajonal Vlorë jashtë rrezikut për jetën.
Autori pasi e ka goditur shtetasin K.B, e ka lënë të dëmtuar dhe është larguar nga vendi i ngjarjes.
Shërbimet e Policisë janë vënë në ndjekje dhe kanë bërë kapjen e shtetasit M.G..
Gjithashtu në momentin e konstatimit dhe ndalimit nga policia ky shtetas ka rezultuar se drejtonte automjetin nën efektin e pijeve alkoolike.
Materialet janë referuar në ngarkim të tij për veprat penale të “Plagosje e lehtë me dashje” dhe “Drejtimi i automjeteve në mënyrë të parregullt”, parashikuar nga nenet 89 dhe 291/1 të Kodit Penal.

(S.SH/Shuplaka)