Tre hetues grekë kanë shkuar sot në Prokurorinë e Krimeve të Rënda, ku kanë marrë në pyetje Julian Sinanajn, kreun e të ashtuquajturës “Banda e Tritolit”.
Në 90 minutat me ta, ai është pyetur për tritolin e vendosur në Gjykatën e Selanikut, një akt i cilësuar si terrorist nga autoritetet greke.
Mësohet se në Prokurorinë e Krimeve të Rënda ishin të pranishëm edhe dy përfaqësues të ambasadës greke, si dhe dy përkthyes. Marrja në pyetje është bërë në prani të oficerëve shqiptarë.
Julian Sinanaj është dënuar me 30 vite burg, si kreu i “Bandës së tritolit”. Në dëshmitë e tij, ai ka pranuar se është paguar për disa episode kriminale, ndër to dy vrasje dhe një sërë atentatesh me eksplozivë.
(XH.A/SHUPLAKA)
