“3 kg mish në muaj për një familje, 2 kg miell”, Berisha sjell në kujtesë tallonin e vitit 1989

Ish-kryeministri Sali Berisha ka kujtuar një detajë mjaft të hidhur të për sa I takon mënyrës se si ushqeheshin shqiptarët në vitin 1989.

Ai shkruan se ky ishte racioni ushqimor mujor i shtetit për një familje me 4 persona dhe kjo për të privilegjuarit në qytet sepse në fshat nuk ekzistonin këto ushqime.

“Vendi qeverisej nga etërit e pushtetarëve të sotëm”, shkruan Berisha

POSTIMI I BERISHËS:

Një kujtesë e hidhur!
Të dashur miq, ky ishte racioni ushqimor mujor që siguronte shteti për një familje për katër persona në vitin 1989. Por duhet thënë se bëhet fjalë për të privilegjuarit e shoqërisë, pra vetëm për familjet që banonin në qytet sepse për fshataret talloni nuk ekzistonte sepse këto ushqime nuk mund t’ju siguroheshin.

Kurse në kooperativat bujqësore, sidomos të zonave kodrinore malore, mbi 1.2 milionë shqiptare jetonin në tiraninë e mjerimit, urinë kronike. Kjo sepse fshatari furnizohej nga shteti vetëm me bukën e misrit dhe vaj, sheqer, kripë dhe mundet gjysmë litri qumësht 3-4 javë në vit. Vendi qeverisej nga etërit e pushtetarëve të sotëm!

(B.H/Shuplaka)