Pas lëvizjeve të sotme në Prokuroritë e vendit kur Kryeprokurorja e Përkohshme Arta Marku bëri 3 të tilla sot ka ardhur edhe reagimi i Basir Çollakut.
“Shtet perkohsisht.. Prokurorja e Perkohshme ben emerimin e peste te PERKOHSHEM.. Mire do ishte dhe ndonje i arrestuar i perkohshem…”, shkruan Basir Çollaku.
Prokuroria e Përgjithshme deklaroi për këto lëvizje se janë bërë në kuadër të riorganizimit, mirëfunksionimit të organit të akuzës, rritjes së performancës dhe besueshmërisë së publikut tek ky institucion.
“Duke filluar nga dita e sotme, datë 09. 01. 2018,
Dritan Gina, Drejtues i komanduar i Prokurorisë së Rrethit Gjyqësor Elbasan, i ndërpritet komandimi dhe kthehet si prokuror në Prokurorinë ku është i emëruar;
Drejtues i Përkohshëm i Prokurorisë së Rrethit Gjyqësor Elbasan, caktohet prokurori, z.Ardjan Nezha.
Pali Deçolli, Drejtues i komanduar i Prokurorisë së Rrethit Gjyqësor Fier, i ndërpritet komandimi dhe kthehet si prokuror në Prokurorinë ku është i emëruar;
Drejtues i Përkohshëm i Prokurorisë së Rrethit Gjyqësor Fier, caktohet prokurori, z.Fatmir Lushi.
Artur Ismailukaj, Drejtues i komanduar i Prokurorisë së Rrethit Gjyqësor Kukës, i ndërpritet komandimi dhe kthehet si prokuror në Prokurorinë ku është i emëruar;
Drejtues i Përkohshëm i Prokurorisë së Rrethit Gjyqësor Kukës, caktohet prokurori, zj.Alketa Nushi”, thuhet në njoftim. (J.V/Faxweb)
